من بولاق للجامعة ماشي
وفيه ناس راكبين..
و فـ جيبي سيجارة،
ولاّ سيجارتين
وفيه ناس في جيبها علبة
ولا يمكن علبتين
هأحكيلك ..من بولاق للجامعة
وأنا ماشي
**
شوفت بنات المدارس
بنات زى اللوز
وشوفت بنت فردة
بس فردة م الجوز..
وشوفت حريم
لابسة كعب عالي
وشوفت واحدة ماسكة لها شنطة
وواحدة تالتة ماسكة لها جوز
بس انا مالي ...أنا ف حالي
من بولاق للجامعة ماشي
**
آدي أخيرا الجامعة
وآدي الحرس..
وآدي الساعة
أم الجرس
وآدي الشارع اللى اتكنس
وفية انا ماشي
**
وآدي المدرج
وآدي زمايلي
وآدي المحاضرة
بتاعت العلايلي
خلصت المحاضرة
وخلص الكلام
وآدي حكايتي
من بولاق للجامعة وأنا ماشي
ليست هناك تعليقات:
إرسال تعليق