2012-10-17

سأعود يوما لـ"الطبلة"




- "نفسى أطلع طبال :D"
ربما أكون الطفل الوحيد، الذى أجاب على السؤال المعتاد من مدرسي المدرسة الابتدائية: "نفسك تبقى إيه لما تكبر؟" بإجابة مختلفة، بل وصادقة للغاية.
وكانت الطبلة ولا تزال، هي القائد اللي الدنيا بتاعت الأغنية بتلف تبع إشارته، الإيقاع هو اللي بيشدنى للأغنية، وبعدين المزيكا وف الآخر كده يجي الكلام :)
ولما كبرت حبتين وبقيت راجل قد الدنيا فى سنة تالتة ابتدائى، اكتشفت ليه المدرسين كانوا بيضحكوا لما أقولهم كده، فقررت أبقى زي الأولاد العاديين الخايبين، وأقولهم "هأبقى دكتور أو ظابط" :(
طبعا لا عرفت أبقى لا دكتور ولا ظابط ولا حتى طبال :(
دلوقت، أنا نفسي أتعلم مزيكا... لازم أتعلمها، انا حاسس إن الطبلة اللي جوايا لسه شغالة.. هأدور على حاجة أتعلمها، ودورت جوه نفسى، ودعبست، لقيت إن العود، هو الأقرب لروحي، وقررت إني اتعلم أعزف عود.. :)
أيوة، هاتعلم عود :)
دلوقت، اكتشفت بعد فترة طويييييييييييييلة جدا.. ان حتى فكرة تعلم العود بقت صعبة جدا، والظاهر هتفضل طول عمرها فكرة، مجرد فكرة، تاخدنى من وسط احباطي وتخبطي، لدنيا جديدة حلوة، مليانة مزيكا وغنا، وعارف إني مش هاتعلم :)




هناك تعليقان (2):

  1. اقولك حاجة لطيفة؟ دبس نفسك.. التدبيس دة شيء عظييييم


    01002738689
    دي نمرة حد بيعلم percussion.. مصطفى و اسم الشهرة بكار :) اتصل اسأل مش هتخسر حاجة، لو حد خد النمرة و عاكسه ابقى امسح الكومنت دة :D

    http://www.araboudhouse.com/

    الدروس في بيت العود آخر مرة سألت كانت ببتاع 300 في الشهر.. اسأل بردو

    لما تسأل بقى.. روح ادفع الفلوس على طول أول ماتقبض.. دبـــس نفســــك

    أما تلاقي نفسك اتدبست هتعرف تظبط وقتك ع المواعيد و أي مشاكل خزعبلية متخيل انها هتقابلك هتحلها بسهولة

    و هتبقى تدعيلي :))

    ردحذف
  2. ريهام
    والنعمة انتي برنس :D

    ردحذف